٢٥٣٠: بشر بن بکر نے اوزاعی سے انھوں نے اپنی سند سے اسی طرح روایت نقل کی ہے۔ کیا تمہیں یہ نظر نہیں آتا کہ جناب رسول اللہ (صلی اللہ علیہ وآلہ وسلم) نے جب معاویہ بن حکم (رض) کو فرمایا جبکہ انھوں نے نماز میں کلام کی۔ کہ ہماری اپنی نماز میں لوگوں کی کلام میں سے کوئی چیز جائز نہیں ‘ بلاشبہ وہ تسبیح ‘ تکبیر ‘ قراء ۃ قرآن مجید کا نام ہے اور جب آپ نے اس سے یہ بھی بات نہیں فرمائی کہ تمہارے امام نے جو چیز چھوڑ دی ہے تو فلاں چیز اس کی جگہ کام دے سکے گی تم اس سے کلام کرلو۔ تو اس سے یہ دلالت میسر آگئی کہ نماز میں تسبیح ‘ تکبیر ‘ قراءت قرآن کے علاوہ جو گفتگو بھی کی جائے گی وہ نماز کو قطع کر دے گی۔ پھر آپ نے لوگوں کو اس کے بعد یہ بات سکھائی کہ جب ایسا معاملہ پیش آجائے تو وہ کیا کریں۔ روایات ذی میں درج ہیں۔