٢٥٦٣: ابو بکرہ نے ابو داؤد سے اس نے ہشام سے بیان کیا انھوں نے اپنی سند سے روایت کی البتہ یہ الفاظ نقل نہیں کئے لم یرد علی بلکہ یہ ہیں جب آپ نماز سے فارغ ہوئے تو فرمایا مجھے تمہارے سلام کا جواب دینے سے نماز مانع تھی۔ یہ حضرت جابر (رض) جو یہ بتلا رہے ہیں کہ جناب رسول اللہ (صلی اللہ علیہ وآلہ وسلم) نے میری بات کا جواب نہ دیا اور جب آپ نماز سے فارغ ہوئے تو تب آپ نے سلام کا جواب دیا۔ پس اس کے متعلق گفتگو سابقہ روایت کی گفتگو کی طرح ہے جس کو حضرت ابن مسود (رض) نے نقل کیا ہے اور روایت جابر (رض) میں یہ بھی اضافہ ہے کہ جناب رسول اللہ (صلی اللہ علیہ وآلہ وسلم) نے فرمایا : ” اما انہ لم یمنعنی ان اردّ علیک الا انی کنت اصلّی “ ” بھئی میں نے نماز میں مصروفیت کی وجہ سے تمہارے سلام کا جواب نہیں دیا “ اور اس سے جناب رسول اللہ (صلی اللہ علیہ وآلہ وسلم) نے بتلایا کہ میں نے بالکل تمہارا جواب نہیں دیا۔ اس سے اس بات کی نفی ہوتی ہے کہ آپ نے اشارہ یا اور کسی طریق سے جواب دیا ہو۔
حاصل روایات : یہی جابر بن عبداللہ (رض) بتلا رہے ہیں کہ آپ نے میرے سلام کا جواب نہیں دیا اور جب نماز سے فارغ ہوگئے تو سلام کا جواب دیا پس یہ روایت بھی اشارے سے جواب سلام مراد لینے کے خلاف ہے جیسا ابن مسعود (رض) کی روایت کے متعلق ہم کہہ چکے۔ جابر میں یہ ہے کہ جناب رسول اللہ (صلی اللہ علیہ وآلہ وسلم) نے فرمایا اما انہ لم یمنعنی ان ارد علیک الا انی کنت اصلی اس میں آپ نے یہ بتلایا کہ مجھ پر سلام کا جواب لازم نہ تھا اس لیے اشارے سے جواب کا کوئی معنی ہی نہیں۔