خلاصہ الزام :
نمبر 1: امام احمد (رح) اور اصحاب ظواہر نمازی کے آگے سے گزرنے پر نمازی کی نماز کو فاسد قرار دیتے ہیں۔
نمبر 2: دیگر تمام ائمہ ابوحنیفہ مالک و شافعی (رح) نمازی کے آگے گزرنے سے نماز کو فاسد قرار نہیں دیتے۔
مؤقف فریق اوّل و دلائل : نماز کے آگے سے کسی چیز کا بھی گزرنا اس کی نماز کو فاسد کردیتا ہے دلیل یہ ہے۔
٢٥٧٠: عبداللہ بن صامت نے حضرت ابوذر (رض) سے نقل کیا کہ جناب رسول اللہ (صلی اللہ علیہ وآلہ وسلم) نے فرمایا کہ کوئی چیز نماز کو منقطع نہیں کرتی جبکہ نمازی اور گزرنے والے کے درمیان کجاوے کے پچھلے حصہ کے برابر کوئی بلند چیز ہو اور فرمایا نماز کو عورت ‘ گدھا ‘ سیاہ کتا منقطع کردیتا ہے۔ عبداللہ ہیں میں نے دریافت کیا اے ابوذر ! سیاہ کتے کا سرخ وسفید کے مقالبے میں کیا فرق ہے تو انھوں نے فرمایا اے بھتیجے ! یہ سوال تو وہی ہے جو میں نے خود جناب رسول اللہ (صلی اللہ علیہ وآلہ وسلم) سے کیا اس پر آپ (صلی اللہ علیہ وآلہ وسلم) نے فرمایا سیاہ کتا شیطان ہے۔
تخریج : مسلم فی الصلاۃ ٢٦٥؍٢٦٦٦‘ ابو داؤد فی الصلاۃ باب ١٠٩‘ مسند احمد ٥؍١٤٩‘ ١٦٠‘ ١٦١۔