٢٥٧٤: حسن نے حضرت عبداللہ بن مغفل (رض) سے انھوں نے جناب رسول اللہ (صلی اللہ علیہ وآلہ وسلم) سے نقل کیا کہ آپ نے فرمایا کتا ‘ گدھا ‘ عورت نماز کو توڑ دیتے ہیں۔ کچھ علماء نے ان آثار کے پیش نظر فرمایا کہ سیاہ کتا ‘ عورت ‘ گدھا جب نمازی کے سامنے سے گزر جائیں تو نماز ٹوٹ جائے گی۔ دیگر علماء نے ان سے اختلاف کرتے ہوئے کہا کہ ان میں سے کوئی چیز بھی نماز کے لیے گزرنے کی وجہ سے نماز کو توڑنے والی نہیں۔ ان کی دلیل یہ آثار ہیں۔
تخریج : ابن ماجہ فی الاقامہ باب ٣٨٠ نمبر ٩٤٩؍٩٥١۔
حاصل روایات : ان روایات سے معلوم ہوتا ہے کہ سیاہ کتا ‘ عورت اور گدھا نماز کو توڑ دیتے ہیں۔
فریق ثانی کا مؤقف اور دلائل :
ان میں سے کوئی چیز بھی آگے سے گزرے تو نماز نہیں ٹوٹتی۔ دلائل یہ ہیں۔