٢٥٩٠: مسروق کہتے ہیں کہ ہم نے حضرت عائشہ (رض) کے پاس اس بات پر مناظرہ کیا کہ کون سی چیز نماز کو توڑ دیتی ہے تو سب نے کہا کتا گدھا اور عورت نماز کو توڑ دیتے ہیں۔ اس پر حضرت عائشہ (رض) نے فرمایا تم نے ہمیں گدھے اور کتے کے برابر بنادیا جناب رسول اللہ (صلی اللہ علیہ وآلہ وسلم) چارپائی کے درمیان میں نماز ادا فرماتے اور میں آپ کے سامنے لیٹی ہوتی تھی میری چارپائی آپ کے اور قبلہ کے درمیان ہوتی تھی اگر اس دوران مجھے کوئی ضرورت پیش آتی تو میں بیٹھنا ناپسند کرتی کہ آپ کو ناگوار گزرے تو میں آپ کے پاؤں کی جانب سے کھسک کر چلی جاتی۔
تخریج : بخاری فی الصلاۃ باب ١٠٥‘ مسلم فی الصلاۃ نمبر ٢٧٠‘ مسند احمد ٦؍٣٢۔