٢٦١٣: عبدالرحمن بن علقمہ نے حضرت ابن مسعود (رض) سے روایت نقل کی ہے کہ ہم جناب رسول اللہ (صلی اللہ علیہ وآلہ وسلم) کے ساتھ غزوہ تبوک میں تھے۔ جب ہم ایک ریتلی زمین پر پہنچے تو جناب رسول اللہ (صلی اللہ علیہ وآلہ وسلم) نے فرمایا آج رات کون ہماری نگرانی کرے گا بلال نے کہا میں۔ فرمایا پھر تو تو سو جائے گا وہ طلوع آفتاب تک سوتے رہے پس فلاں ‘ فلاں بیدار ہوئے انھوں نے آپس میں کہا بات کرو تاکہ جناب رسول اللہ (صلی اللہ علیہ وآلہ وسلم) بیدار ہوجائیں چنانچہ جناب رسول اللہ (صلی اللہ علیہ وآلہ وسلم) بیدار ہوگئے تو آپ نے فرمایا تم وہی کرو جو تم کیا کرتے تھے اور ہر نماز سے سونے والا یا بھولنے والا اسی طرح کرتا ہے۔ جناب رسول اللہ (صلی اللہ علیہ وآلہ وسلم) سے بھی اس سلسلہ میں روایات وارد ہیں۔
تخریج : ابو داؤد فی الصلاۃ باب ٤٠‘ نمبر ٤٤٧‘ مسند احمد ١‘ ٣٨٦؍٤٦٤۔