٢٦١٦: عبداللہ بن رباح نے حضرت ابو قتادہ (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح روایت نقل کی ہے۔ اس روایت میں جناب رسول اللہ (صلی اللہ علیہ وآلہ وسلم) کا ارشاد اس بات پر دلالت کرتا ہے کہ اس پر قضاء کے علاوہ اور کوئی چیز نہیں ہے۔ کیونکہ آپ نے بھولی ہوئی نماز کا تذکرہ فرمایا ۔ آپ نے جو اس پر لازم ہوتا تھا وہ بتلایا اور آپ (صلی اللہ علیہ وآلہ وسلم) سے اس کے علاوہ بھی روایات ہیں جن میں اس سے اضافہ ہے۔ ملاحظہ ہو۔
حاصل روایات : اس روایت سے ثابت ہوتا ہے کہ نماز بھولنے والے پر سوائے قضا نماز کے کوئی چیز لازم نہیں ہے۔
یہ روایت اس کے علاوہ الفاظ سے بھی روایت کی گئی ہے اور اس میں بعض لفظ زائد ہیں۔