٢٧٣ : شعبہ نے اشعث سے اور انھوں نے اپنی اسناد سے اسی طرح روایت نقل کی ہے مگر لحف کی بجائے لحفنا کا لفظ ہے۔ امام طحاوی (رح) فرماتے ہیں ان مذکورہ روایات سے ثابت ہوا کہ آپ (صلی اللہ علیہ وآلہ وسلم) ایسے کپڑے میں نماز نہ ادا فرماتے تھے جس میں آپ (صلی اللہ علیہ وآلہ وسلم) نیند کرتے جبکہ جنابت میں سے کوئی چیز اس کپڑے کو لگ جاتی اور اسود و ہمام نے حضرت عائشہ صدیقہ (رض) سے جو روایت کی وہ نیند والے کپڑے ہیں ‘ نماز والے کپڑے نہیں۔ پہلے قول والوں کی دوسرے قولوں والے لوگوں کے خلاف دلیل مندجہ ذلیل روایات ہیں۔
طحاوی (رح) کہتے ہیں ان روایات سے بھی اس بات کی تائید مل گئی کہ آپ اس کپڑے میں جس میں آرام فرماتے اگر جنابت وغیرہ سے کوئی چیز اس کو لگ جاتی تو آپ اس میں نماز نہ پڑھتے پس حضرت عائشہ (رض) کی وہ روایات جو ہمام و اسود نے نقل کی ہیں ان کا تعلق نیند والے کپڑوں سے ہے نماز والے کپڑوں سے متعلق نہیں ہے۔ روایت نمبر ٢٧٠ سے خاص طور پر اور دیگر روایات سے منی کا ناپاک ہونا ثابت ہوتا ہے کیونکہ اس کو حیض کی طرح اَذٰی سے تعبیر فرمایا ہے۔