٢٧٤٠‘ ابو غالب کہتے ہیں کہ میں نے انس بن مالک (رض) کو دیکھا کہ انھوں نے ایک آدمی کا جنازہ پڑھا تو آپ اس کے سر کے برابر کھڑے ہوئے اور ان کے پاس عورت کا جنازہ لایا گیا تو آپ درمیان میں کھڑے ہوئے۔ علاء بن زیاد نے کہا اے ابو حمزہ کیا جناب رسول اللہ (صلی اللہ علیہ وآلہ وسلم) اسی طرح کرتے تھے ؟ انھوں نے کہا جی ہاں اس کے بعد علاء بن زیاد ہماری طرف متوجہ ہو کر کہنے لگے تم اچھی طرح اس بات کو یاد کرلو۔
تخریج : ابو داؤد فی الجنائز باب ٥٣‘ نمبر ٣١٩٤۔