٢٧٧٣: حماد نے ابراہیم (رح) سے نقل کیا کہ جناب رسول اللہ (صلی اللہ علیہ وآلہ وسلم) کی وفات ہوئی اور لوگوں کا جنازہ کی تکبیرات کے متعلق اختلاف تھا کسی سے سات ‘ کسی سے پانچ اور کسی سے چار تکبیرات کی بات سنتا تھا ان کی حالت زمانہ ابوبکر (رض) تک یہی رہی جب عمر (رض) خلیفہ بنے اور لوگوں کو اس میں مختلف پایا ان پر ان کا اختلاف گراں گزرا تو آپ نے اصحاب رسول (صلی اللہ علیہ وآلہ وسلم) کی مجلس شوریٰ کو بلایا اور فرمایا تم وہ لوگ ہو جن کو صحبت نبوت میسر آئی ہے جب تم لوگوں میں اختلاف ہوگا تو بعد والے لوگ بھی اختلاف کریں گے اور جب تم ایک بات پر اتفاق کرلو گے تو اور لوگ بھی ایک بات پر جمع ہوجائیں گے تم اجتماعی بات دیکھ لو گویا ان کو خبردار کیا انھوں نے کہا آپ کی رائے بہت خوب ہے آپ ہمیں اشارہ فرمائیں تو عمر (رض) نے کہا بلکہ تم مجھے مشورہ دو میں بھی تمہاری طرح کا انسان ہوں۔ چنانچہ انھوں نے معاملے کو ایک دوسرے پر لوٹایا اور اس بات پر اتفاق کیا کہ جنازے کی تکبیرات عیدالاضحی اور عیدالفطر کی طرح (ایک رکعت میں) چار تکبیرات ہوں اور اس پر سب کا اتفاق ہوگیا۔ یہ حضرت عمر (رض) ہیں جنہوں نے اس سلسلہ میں معاملے کو چار تکبیرات کی طرف اصحاب رسول اللہ (صلی اللہ علیہ وآلہ وسلم) کے مشورہ سے لوٹایا حالانکہ وہ حضرت حذیفہ اور زید ارقم (رض) والی روایت میں مذکور نبوی عمل کے وقت خود موجود تھے ۔ پس انھوں نے جو کچھ کیا وہ ان کے ہاں اس سے اولیٰ تھا جس کو وہ جانتے تھے۔ پس یہ اس کے تھے ناسخ ہوا جس کو وہ جانتے تھے کیونکہ وہ اپنے اس فعل میں بھی مامون تھے ۔ یہ اسی طرح ہے جیسا انھوں نے جناب رسول اللہ (صلی اللہ علیہ وآلہ وسلم) کے بعد شراب کی حد مقرر کرنے میں اتفاق کیا اور ام ولدہ کی فروخت ترک کرنے پر اجماع کیا ۔ ان کا اجماع اس بات کے لیے ہے جس پر انھوں نے اتفاق کیا وہ ححبت ہے۔ اگرچہ انھوں نے زمانہ نبوت میں اس کے خلاف کیا تھا۔ پس اسی طرح جناب رسول اللہ (صلی اللہ علیہ وآلہ وسلم) کے بعد جنازے کی چار تکبیرات پر انھوں نے اجماع کرلیا وہ بھی محبت ہے اگرچہ انھوں نے جناب نبی اکرم (صلی اللہ علیہ وآلہ وسلم) سے جو جانا اور جو کیا وہ اس کے خلاف تھا اور جس بات کو انھوں نے جناب رسول اللہ (صلی اللہ علیہ وآلہ وسلم) کے بعد اجماع کیا وہ اس کے لیے ناسخ تھا جو آپ (صلی اللہ علیہ وآلہ وسلم) نے کہا اگر کوئی معترض کہے کہ یہ کس طرح ناسخ بن سکتا ہے۔ جب کہ حضرت علی (رض) نے آپ کے بعد چار سے زائد تکبیرات کہیں اور اس سلسلہ میں ذیل کے آثار پیش کیے۔
تخریج : مصنفہ ابن ابی شیبہ ٢؍٤٩٥۔
حاصل اثر : اس اثر سے معلوم ہوا کہ جنازے کی چار تکبیرات پر صحابہ کرام کا اجماع ہوگیا تھا اور عمر (رض) نے صحابہ کرام کے مشورہ سے معاملے کو چار تکبیرات کی طرف لوٹا دیا حالانکہ تمام صحابہ کرام یا ان میں سے اکثریت اس موقعہ پر موجود تھی جو حذیفہ اور زید بن ارقم ] نے نقل کی ہے جو کچھ انھوں نے کہا وہ اس سے اولیٰ تھا جس کو وہ جانتے تھے اور یہ اس کے لیے نسخ تھا جو وہ جانتے تھے کیونکہ جو کچھ انھوں نے کیا وہ اس میں جناب رسول اللہ (صلی اللہ علیہ وآلہ وسلم) کی طرف غلط نسبت کرنے میں مامون و محفوظ ہیں جس طرح کہ وہ آپ سے روایت کرنے میں محفوظ ہیں کہ وہ کوئی غلط بات آپ کی طرف منسوب کریں اور اس اجماع کی دوسری نظیر حد شراب اور ام ولدہ کی بیع کے ترک پر اجماع کرنے کی طرح ہے۔
صحابہ کرام (رض) کا یہ اجماع حجت ہے اگرچہ زمانہ رسول اللہ (صلی اللہ علیہ وآلہ وسلم) میں ان میں سے بعض نے اس کے خلاف بھی عمل کیا ہو تکبیرات جنازہ کی تعداد پر اجماع اسی قسم سے ہے اور یہ آپ کے ایک قول و عمل پر اجماع ہے۔
اگرچہ پہلے بعض ایک فعل کو اپناتے تھے تو دوسرے دوسرے فعل کو اور یہ اجماع چونکہ آپ کے آخری عمل کو دیکھ کر کیا گیا اس لیے یہ پہلے عمل کا ناسخ ہے۔
ایک اہم اشکال :
چار تکبیرات والی روایت کس طرح ناسخ ہے اگر زائد تکبیرات والی روایات منسوخ ہوتیں تو حضرت علی (رض) ، سہل بن حنیف (رض) کے جنازے پر چار سے زائد تکبیرات نہ کہتے۔ روایت ملاحظہ ہو۔