٢٧٨٦: شعبہ نے علی بن اقمر سے پھر انھوں نے اپنی اسناد سے روایت نقل کی ہے۔ یہ عبداللہ (رض) کہ جب ان سے جنازے کی تکبیرات کے متعلق دریافت کیا جاتا ہے تو وہ چار بتلاتے ہیں اور روایت علقمہ میں ان کو حکم دیتے ہیں کہ وہ اسی قدر تکبیرات کہیں جتنی ان کے ائمہ کہیں اگر بات یہاں پر ختم ہوجاتی تب بھی ہمارے ہاں ان کے کلام کی توجیہہ ہے۔ کہ اصل تکبیرات ان کے ہاں چار ہیں اور وہ سخص جو چار سے زیادہ تکبیرات پڑھنے والا ہو تو اس کی اقتداء میں امام کی طرح تکبیرات کہے کیونکہ اس نے وہ فعل کیا جس کو بعض علماء نے اختیار کیا ہے۔ امام ابو یوسف اسی قول کو اختیار کرتے تھے۔ مگر بات یہاں تک منقطع نہیں ہوتی بلکہ انھوں نے کہا اس نماز کا نہ وقت ہے اور نہ عدد تکبیرات ہے۔ پس اس سے یہ دلالت مل گئی کہ ان کے قول ” لا وقت عندی للتکبیرفی الصلاۃ علی الجنائز ولا عدد “ الحدیث کا معنیٰ وہی ہے جو ہم نے اہل بدر اور دیگر کے متعلق ذکر کیا ہے یعنی تمام لوگوں پر نماز جنازہ میں تکبیر کے لیے وقت وعدد۔ اب ان کا جملہ لا وقت لھا ولا عدد کا مطلب یہ ہے کہ جب اہل بدر ہوں تو پھر تکبیرات میں وقت وعدہ نہیں ان پر نماز کا حکم اسی طرح ہے اور دوسروں پر نماز اسی طرح پڑھی جائے گی جیسا ابو عطیہ نے نقل کیا ۔ تاکہ کسی روایت کا تضاد نہ رہے ۔ پھر اصحاب رسول اللہ (صلی اللہ علیہ وآلہ وسلم) کی اکثریت کو پایا کہ وہ جنائز میں چار تکبیرات کہتے تھے ۔ چند روایات درج ذیل ہیں۔
حاصل کلام : عبداللہ (رض) سے جنازے کی تکبیرات کا سوال ہوتا ہے تو وہ چار بتلاتے ہیں اور حدیث علقمہ میں ان کو ائمہ کی اقتداء میں اسی قدر تکبیرات کا حکم فرماتے ہیں اگر بات یہاں تک ختم ہوجاتی تو ان کی بات کا مفہوم ہمارے ہاں یہ تھا کہ اصل تو چار تکبیرات ہیں اور اگر کوئی پانچ تکبیرات والے امام کی اقتداء کرے تو اقتدائً وہ زائد تکبیرات کہہ لے اور ہمارے بعض علماء جیسے امام ابو یوسف (رح) اسی کے قائل ہیں مگر بات تو اس سے کچھ آگے ہے کہ انھوں نے لا وقت ولا عدد بھی فرمایا ہے تو اب اس کلام کا مطلب یہ ہے میرے نزدیک نماز جنازہ میں تکبیر کا کوئی وقت نہیں۔ اہل بدر پر ان کے لحاظ سے اور دوسروں پر چار تکبیر ہوں گی یعنی تمام لوگوں پر جنازے کی تکبیرات میں وقت و عدد یعنی اگر وہ اہل بدر ہوں گے تو یہی حکم ہوگا اور دوسروں پر نماز کی تکبیرات میں ابو عطیہ والی روایت کا لحاظ ہوگا تاکہ دونوں روایات میں تضاد نہ رہے مطلب یہ ہے لاوقت ولا عدد والی روایت اصحاب بدر اور صحابہ کرام (رض) کے ساتھ خاص ہے اور ابو عطیہ والی روایت میں عام لوگوں کا حکم بیان فرمایا۔
دلیل کا نیا انداز :
صحابہ کرام ] نے جنازے پڑھائے اور ان کے جنازے پڑھے گئے انھوں نے چار تکبیرات کا اہتمام کیا جیسا ان روایات سے ظاہر ہے۔