٢٧٩٥: ابو امامہ بن سہل بن حنیف نے بتلایا یہ انصار کے سرداروں اور علماء سے تھے اور ان کے والد بدری صحابی تھے انھوں نے بتلایا کہ ایک صحابی رسول اللہ (صلی اللہ علیہ وآلہ وسلم) نے مجھے بتلایا کہ امام جنازے میں پہلی تکبیر کہے پھر فاتحہ الکتاب دل میں پڑھے پھر نماز کو تین مزید تکبیرات سے مکمل کرے۔
زہری کہتے ہیں کہ میں نے ابو امامہ کی بات محمد بن سوید فھری کو بتلائی تو وہ کہنے لگے میں نے ضحاک بن قیس کو سنا کہ وہ حبیب بن مسلمہ سے اسی طرح بیان کرتے تھے جیسا تم ابو امامہ سے بیان کرتے ہو۔