٢٨٤٠: ابو اسحاق نے علقمہ سے نقل کیا (اسحاق کا سماع علقمہ سے ثابت نہیں) کہ عبداللہ (رض) ابو موسیٰ اشعری (رض) کے پاس آئے اور نماز کا وقت آگیا تو ابو موسیٰ نے کہا اے ابو عبدالرحمن امامت کراؤ کیونکہ تم زیادہ علم اور زیادہ عمر والے ہو انھوں نے کہا تم آگے بڑھو اس لیے کہ ہم آپ کے ٹھکانے اور نماز کی جگہ میں آئے ہیں اور آپ زیادہ حقدار ہیں تو ابو موسیٰ اشعری آگے بڑے اور انھوں نے اپنے نعل اتارے جب سلام پھیرا تو عبداللہ کہنے لگے تمہارا ان جوتوں کے اتارنے کا کیا مقصد تھا کیا تم طویٰ کی مقدس وادی میں تھے ؟ ہم نے جناب رسول اللہ (صلی اللہ علیہ وآلہ وسلم) کو اپنے خفین اور نعلین سمیت نماز ادا کرتے دیکھا۔
تخریج : ابن ماجہ فی الاقامہ باب ٦٦‘ نمبر ١٠٣٩۔