٢٨٥٩: زبیر نے جابر (رض) سے نقل کیا کہ جناب نبی اکرم (صلی اللہ علیہ وآلہ وسلم) نے ایک دن خطبہ دیا اور ایک صحابہ کا تذکرہ ہوا جنہوں نے وفات پائی اور ان کو اچھی طرح کفن نہیں دیا گیا اور رات ہی کو دفن کردیا گیا آپ نے اس بات پر ڈانٹا کہ رات کو دفن کیا جائے تاکہ اس کی نماز جنازہ پڑھی جائے ہاں کوئی مجبوری ہو تو الگ بات ہے آپ نے فرمایا جب تم میں سے کوئی اپنے بھائی کا ذمہ لے تو اس کو اچھے انداز سے کفن دے۔ اس روایت وہ دونوں علتیں جمع کردی گئیں جن کی بناء پر ممانعت کہی جاتی ہے۔ پس رات کے وقت میت پر نماز میں کچھ حرج نہیں اسی طرح دفن میں بھی۔ یہ امام ابوحنیفہ ‘ ابو یوسف ‘ محمد رحمہم اللہ کا قول ہے۔ جناب رسول اللہ (صلی اللہ علیہ وآلہ وسلم) کی تدفین رات کے وقت میں ہوئی۔
تخریج : مسلم فی الجنائز نمبر ٤٩۔
اس روایت میں ممانعت کی دونوں وجوہ کو اپنے اندر جمع کردیا ہے اس سے ثابت ہوگیا کہ میت پر نہ تو نماز جنازہ میں رات کے وقت کچھ حرج ہے اور نہ ہی ان کے دفن میں کوئی شرعی قباحت پائی جاتی ہے۔
یہی قول امام ابوحنیفہ ‘ ابو یوسف ‘ محمد رحمہم اللہ کا ہے۔