٢٨٧٦: ابو امامہ نے زید بن ثابت سے نقل کیا کہ انھوں نے فرمایا۔ اے بھتیجے ! آؤ میں تمہیں بتلاتا ہوں کہ آپ (صلی اللہ علیہ وآلہ وسلم) نے قبور پر جس بناء پر بیٹھنے سے منع کیا ہے اس سے پیشاب و پائخانہ کے لیے بیٹھنا مراد ہے۔ اس روایت میں حضرت زید (رض) نے واضح کردیا کہ پہلے آثار میں جس بیٹھنے کی ممانعت وارد ہوئی ہے اس کی حقیقت کیا ہے۔ حضرت ابوہریرہ (رض) بھی اسی طرح مروی ہے ‘ ذیل میں ملاحظہ ہو۔
حاصل روایات : پہلی روایات میں جس بیٹھنے کی ممانعت ہے اس کو زید (رض) نے بتلا دیا کہ وہ قضائے حاجت کے لیے بیٹھنا ہے لہٰذا ابوہریرہ (رض) سے بھی اسی مضمون کی روایت منقول ہے۔ وہ ملاحظہ کرلیں۔