٢٩١٥: قاسم بن محمد نے عائشہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) تشریف لائے جبکہ ہنڈیا گوشت کے لیے ابل رہی تھی اور گھر کے لیے سالن تیار ہو رہا تھا جناب رسول اللہ (صلی اللہ علیہ وآلہ وسلم) نے فرمایا کیا ہنڈیا میں گوشت تو نہیں پک رہا ؟ میں نے عرض کی یارسول اللہ (صلی اللہ علیہ وآلہ وسلم) کیوں نہیں۔ ہنڈیا میں گوشت ہی ہے مگر یہ گوشت بریرہ کو بطور صدقہ دیا گیا اور آپ صدقہ کھاتے نہیں تو جناب رسول اللہ (صلی اللہ علیہ وآلہ وسلم) نے فرمایا وہ اس کے لیے صدقہ ہے ہمارے لیے ہدیہ ہے۔
تخریج : سابقہ روایت کی تخریج ملاحظہ ہو۔