٢٩٤٥: عطیہ نے ابو سعید (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح روایت نقل کی ہے۔ تو جناب رسول اللہ (صلی اللہ علیہ وآلہ وسلم) نے اس آدمی کو جو مسافر ہو یا جہاد میں ہو صدقہ دینا جائز قراردیا اس میں صحت مند اور بیمار کو جمع فرمایا اس سے اس بات کا ثبوت مل گیا کہ صدقہ فقرواحتیاج کی وجہ سے جائز ہوتا ہے۔ خواہ وہ معذور ہو یا نہ ہو ۔ حضرت وھب بن خنبش (رض) نے جناب نبی اکرم (صلی اللہ علیہ وآلہ وسلم) سے اس طرح روایت کی ہے۔ ذیل میں ملاحظہ ہو۔
اس روایت میں جناب رسول اللہ (صلی اللہ علیہ وآلہ وسلم) نے غیر تندرست و صحت مند کا لحاظ کئے بغیر صدقے کا حقدار مجاہد ‘ مسافر کو بھی قرار دیا ہے۔ اس سے ثابت ہوگیا کہ صدقہ کے لیے محتاج ہونا چاہیے اپاہج لنگڑا ‘ اندھا ہونا ضروری نہیں۔