٣٠٨١: ابو ریحانہ نے سفینہ مولیٰ امّ سلمہ (رض) سے نقل کیا کہ جناب رسول اللہ (صلی اللہ علیہ وآلہ وسلم) پانی کا ایک صاع آپ کو غسل کرا دیتا اور پانی کا ایک مد وضو کرا دیتا۔ یہ روایات بتلا رہی ہیں کہ جناب رسول اللہ (صلی اللہ علیہ وآلہ وسلم) ایک صاع پانی سے غسل فرماتے تھے مگر ان روایات میں صاع کا وزن مذکور نہیں ۔ حضرت عائشہ صدیقہ (رض) کی وہ روایت جس کو مجاہد (رح) نے نقل کیا اس میں مقدار کا ذکر موجود ہے۔ کہ جس سے آپ غسل فرماتے تھے اور وہ آٹھ رطل ہے اور وہ روایت جس کو عائشہ صدیقہ (رض) سے عروہ (رح) نے نقل کیا۔ وہ یہ ہے کہ میں اور جناب رسول اللہ (صلی اللہ علیہ وآلہ وسلم) ایک برتن سے غسل کرتے تھے وہ فرق ہے۔ تو اس روایت میں غسل والے برتن کا تذکرہ ہے مقدار کا ذکر نہیں جس سے غسل کیا جاتا تھا ۔ دوسری روایات میں پانی کی وہ مقدار مذکور ہے جس سے آپ غسل کرتے تھے کہ وہ ایک صاع تھا پس اس سے ثابت ہوگیا جب کہ یہ آثار درست ہیں ان کو اکٹھا کر کے ان کے معانی کو کھولا گیا تو وہ یہی تھے کہ آپ فرق نامی برتن سے غسل فرماتے اور ایک صاع سے غسل فرماتے جس کا وزن آٹھ رطل ہے۔ پس اس سے امام ابوحنیفہ (رح) کا قول ثابت ہوگیا اور امام محمد (رح) کا قول بھی یہی ہے اور حضرت انس (رض) سے بھی ایسی روایات وارد ہیں جو اس مفہوم کو ثابت کرتی ہیں۔
ان تمام روایات سے معلوم ہوتا ہے کہ جناب رسول اللہ (صلی اللہ علیہ وآلہ وسلم) ایک صاع سے غسل فرماتے تھے اور ان روایات میں صاع کا وزن مذکور نہیں جیسا کہ مجاہد کی اس روایت میں موجود ہے جو عائشہ (رض) سے مروی ہے کہ غسل کا پانی آٹھ رطل ہوتا تھا اور عروہ عن عائشہ (رض) والی روایت میں آپ دونوں کا فرق نامی برتن سے غسل کرنا مذکور ہے۔ اور اس روایت میں دونوں کے غسل کا تذکرہ ہے مگر پانی کی مقدار مذکور نہیں ہے۔
اور دوسرے آثار میں غسل کے پانی کی مقدار مذکور ہے کہ وہ ایک صاع تھا اب اس سے مندرجہ ذیل نتائج نکل آئے جبکہ ان آثار کو جمع کیا اور ان کی حقیقت کو جانچا کہ آپ ایک فرق سے غسل فرماتے اور اس صاع سے جس کا وزن آٹھ رطل تھا اس سے امام ابوحنیفہ (رح) اور محمد (رح) کا قول ثابت ہوا۔ بلکہ انس بن مالک (رض) سے بھی اس معنی کی تائید مذکور ہے۔
روایت انس (رض) ملاحظہ ہو :