٣١٧١: حمیدالطویل نے انس (رض) سے نقل کیا کہ ہم نے جناب رسول اللہ (صلی اللہ علیہ وآلہ وسلم) کے ساتھ رمضان میں سفر کیا روزہ دار افطار والے کی عیب جوئی کرنے والا نہ تھا۔ ہم نے گزشتہ سطور میں جو آثار ذکر کیے وہ اس بات پر دلالت کرتے ہیں کہ جناب رسول اللہ (صلی اللہ علیہ وآلہ وسلم) کا افطار کرنا اور صحابہ کرام کو افطار کا حکم دینا وہ سفر میں روزہ کی ممانعت کے لیے نہ تھا بلکہ اس سے افطار کا ان کے لیے مباح کرنا مقصود تھا ‘ جناب رسول اللہ (صلی اللہ علیہ وآلہ وسلم) سے سفر میں روزہ رکھنے اور افطار کرنے ہر دو کی روایات وارد ہیں۔
تخریج : بخاری فی الصوم باب ٣٧‘
ان تمام روایات سے معلوم ہوتا ہے کہ آپ (صلی اللہ علیہ وآلہ وسلم) کا سفر میں روزے سے روکنا اس لیے تھا تاکہ سفر میں افطار کی اجازت ثابت ہوجائے اور جو لوگ سختی سے روزہ کو سفر میں لازم کرنے والے تھے ان پر واضح ہوجائے کہ ہر دو صورت جائز ہیں بقدر ہمت جس کو اختیار کیا جائے مباح ہے آپ (صلی اللہ علیہ وآلہ وسلم) سے خود بنفس نفیس سفر میں افطار اور روزہ دونوں طرح کے ثبوت ملتے ہیں۔
روایات ملاحظہ ہوں۔