٣١٨٧: عکرمہ کہتے ہیں کہ ہم ابوہریرہ (رض) کے ساتھ ان کے گھر میں بیٹھے تھے انھوں نے فرمایا جناب رسول اللہ (صلی اللہ علیہ وآلہ وسلم) نے عرفات میں عرفہ کے دن روزے سے منع فرمایا۔ پس حضرت ابوہریرہ (رض) نے بتلایا کہ جناب رسول اللہ (صلی اللہ علیہ وآلہ وسلم) نے عرفہ کے دن روزے کی جو ممانعت فرمائی ہے وہ میدان عرفات کے ساتھ خاص ہے۔ اول قول والوں نے اس روایت کو بھی اپنی دلیل میں پیش کیا ہے روایت ذیل میں ہے۔
تخریج : ابو داؤد فی الصوم باب ٦٣‘ ابن ماجہ فی الصیام باب ٤٠۔
حاصل روایات : اس روایت میں ابوہریرہ (رض) نے بتلایا ہے کہ جناب رسول اللہ (صلی اللہ علیہ وآلہ وسلم) نے خاص میدان عرفات میں عرفہ کے دن روزے سے منع کیا ہے پس غیر حجاج کو عرفات یا دیگر مقامات پر روزے کی ممانعت نہ ہوگی۔
اشکال :
انہوں نے اس روایت کو بھی دلیل بنایا ہے۔