٣١٩٥: عبدالرحمن بن سلمہ خزاعی یہی ابن المنہال ہیں انھوں نے اپنے چچا سے نقل کیا ہے کہ ہم صبح سویرے جناب رسول اللہ (صلی اللہ علیہ وآلہ وسلم) کی خدمت میں حاضر ہوئے اس دن عاشورہ تھا اور ہم نے صبح کا کھانا کھالیا تھا آپ نے فرمایا کیا تم نے آج کا روزہ رکھا ہے ؟ ہم نے کہا ہم تو صبح کا کھانا کھاچکے ہیں اس پر آپ (صلی اللہ علیہ وآلہ وسلم) نے فرمایا اپنا بقیہ دن (بغیر کھائے پئے) پورا کرو۔
تخریج : ابو داؤد فی الصوم باب ٦٥‘ نمبر ٣٤٤٧‘ ابن ماجہ فی الصیام باب ٤١‘ مسند احمد ٥؍٤٠٩۔