٣٢٤٠: انس بن سیرین نے عبدالملک بن قتادہ بن ملحان قیسی نے اپنے والد سے نقل کیا جناب رسول اللہ (صلی اللہ علیہ وآلہ وسلم) ہمیں ایام بیض میں یعنی تیرہ ‘ چودہ ‘ پندرہ تاریخ کو روزہ کا حکم فرماتے تھے اور آپ فرماتے یہ اسی طرح ہے جیسا کہ اس نے ہمیشہ روزے رکھے۔ اس میں ہفتہ دوسرے دنوں کی طرح داخل ہے اور اس سے ہفتے کے دن کے نفلی روزہ کا مباح ہونا ثابت ہوتا ہے اور دوسری بات یہ ہے کہ امام زہری (رح) علیہ نے ہفتے کے دن روزے کی کراہت والی حضرت صماء والی روایت کو منکر قرارد یا اور اس کی پہچان کے بعد اس کو اہل علم کی روایت میں شمار نہیں کیا جیسا کہ اگلے اثر سے ثابت ہو رہا ہے۔
تخریج : ابو داؤد فی الصوم باب ٦٧‘ نمبر ٣٤٤٩۔
ایام بیض میں روزے کا حکم فرمایا تو کبھی نہ کبھی تو ان دنوں میں ہفتہ ضرور آتا ہے اس سے کراہت تحریمی کی نفی ہو کر یوم سبت میں روزے کی اباحت ثابت ہوگئی۔
امام زہری (رح) نے یوم سبت کے دن روزہ کی ممانعت والی روایت کا انکار کیا ہے ‘ چنانچہ ان سے جب اس کے متعلق سوال کیا گیا تو انھوں نے اس کو ثقہ راویوں کی روایت قرار نہیں دیا۔