٣٢٦٢: عبدالوہاب نے محمد بن عمرو سے پھر انھوں نے اپنی اسناد سے روایت نقل کی ہے۔ پس جب جناب رسول اللہ (صلی اللہ علیہ وآلہ وسلم) نے یہ فرمایا کہ : ” الا ان یوافق ذلک صوما کان یصومہ احد کم فلیصمہ “ مگر یہ کہ اس روزے کے موافق ہوجائے جس کو وہ رکھتا رہتا ہے تو وہ روزہ رکھ سکتا ہے۔ اس روایت نے اول قول والوں کی بات کی تردید کردی اور یہ بات بھی ثابت کردی کہ نصف شعبان کے بعد رمضان تک روزق رکھنے کا حکم بقیہ دنوں کے روزہ کی طرح ہے۔ تو جب یہ معنیٰ ثابت ہوگیا تو اس سے یہ دلالت مسیر آگئی کہ حضرت ابوہریرہ (رض) کی روایت میں جس ممانعت کا تذکرہ ہے جسے شروع باب میں ذکر کیا گیا ہے۔ اس کا مقصد یہ ہے کہ آپ نے رمضان المبارک کا روزہ رکھنے والوں کے لیے کمزوری کا فطرہ محسوس کیا اور کوئی اس کی وجہ نہیں اسی طرح ہم بھی اس آدمی کو جو روزہ رکھنے کی وجہ سے کمزور ہوجاتا ہے۔ یہی حکم دیتے ہیں کہ وہ رمضان المبارک تک روزہ نہ رکھے کیونکہ رمضان المبارک کا روزہ تو اس غیر فرضی روزے سے افضل ہے۔ (کہیں رمضان کا روزہ کمزوری کی وجہ سے نہ چھوٹ جائے) تو اس روایت کو اس معنیٰ پر محمول کریں گے تاکہ دیگر روایات کے متضاد نہ ہو اور حضرت عبداللہ بن عمرو (رض) کی روایت جو جناب رسول اللہ (صلی اللہ علیہ وآلہ وسلم) سے مروی ہے اس میں یہ دلالت پائی جاتی ہے۔ روایات ذیل میں درج ہیں۔
جب جناب رسول اللہ (صلی اللہ علیہ وآلہ وسلم) نے اپنے ارشاد میں یہ بات فرما دی ہاں اگر وہ آخری دن کا روزہ اگر تم میں سے کسی کے ہمیشہ رکھے جانے والے روزے کے دن کے موافق آجائے تو وہ روزہ رکھے اس سے فریق اوّل کے ہر دو دعوؤں کی تردید ہوتی ہے کہ نصف شعبان سے ابتداء رمضان تک روزہ رکھنا آپ کی خصوصیت ہے اور دوسروں کے لیے درست نہیں۔ اور ان روایات سے یہ بات بھی معلوم ہوگئی کہ ایام ممنوعہ کے علاوہ بقیہ تمام دنوں میں نفلی روزہ درست ہے جب یہ معنی ثابت ہوگیا تو اب نہی والی روایت جو ابوہریرہ (رض) سے مروی ہے اس کا مطلب یہ ہوگا کہ رمضان کا روزہ رکھنے والے پر شفقت کرتے ہوئے آپ نے چند دن رمضان سے قبل روزہ رکھنے کی ممانعت فرمائی تاکہ یہ نفلی روزے کی وجہ سے نقاہت کا شکار ہو کر فرضی روزہ سے محروم نہ رہ جائے نفلی روزے تو بعد میں رکھے جاسکتے ہیں رمضان المبارک کا روزہ چھوٹ جانے پر اپنا بدل نہیں رکھتا اس معنی پر روایت کو محمول کیا جائے گا تاکہ روایات میں باہمی تضاد نہ ہو اور عبداللہ بن عمر (رض) کی روایت میں یہ بات موجود ہے۔ ملاحظہ ہو۔ صیام داؤد (علیہ السلام) ۔