٣٢٧٣: طلحہ بن ہلال یا ہلال بن طلحہ کہتے ہیں کہ میں نے عبداللہ بن عمرو (رض) کو فرماتے سنا کہ جناب رسول اللہ (صلی اللہ علیہ وآلہ وسلم) نے مجھے فرمایا اے عبداللہ ! ہر ماہ میں تین دن روزے رکھا کرو ارشاد الٰہی ہے من جاء بالحسنۃ فلہ عشر امثالھا۔ (الانعام ١٦) نیکی کرنے والے کو دس گنا بدلہ ملے گا میں نے عرض کی ! میں تو اس سے زیادہ کی طاقت رکھتا ہوں آپ نے فرمایا تو تم داؤد (علیہ السلام) والے روزے رکھا کرو وہ ایک دن روزہ رکھتے اور ایک دن افطار کرتے تھے۔