٣٢٨٠: ابو یزید ضبی نے میمونہ بنت سعد (رض) سے نقل کیا کہ جناب رسول اللہ (صلی اللہ علیہ وآلہ وسلم) سے روزہ دار کے لیے بوسہ سے متعلق دریافت کیا گیا تو آپ نے فرمایا دونوں کا روزہ ٹوٹ گیا۔ امام طحاوی (رح) فرماتے ہیں کہ بعض علماء نے روایت بالا کو اختیار کر کے کہا کہ روزہ کی حالت میں بوسہ کی اجازت نہیں اگر اس نے بوسہ لیا تو اس کا روزہ جاتا رہا اور انھوں مزید ان روایات کو بھی دلیل میں پیش کیا روایات ذیل میں درج ہیں۔
تخریج : ابن ماجہ فی الصیام باب ١٩۔