٣٢٨٦: سعید بن المسیب سے عبدالکریم نے سوال کیا کہ روزہ دار کے بوسہ کا کیا حکم ہے تو فرمایا اس کا روزہ ٹوٹ جائے گا۔ دوسروں نے ان سے اختلاف کرتے ہوئے کہا کہ روزہ دار کے لیے بوسہ میں کچھ حرج نہیں بشرطیکہ اس کو خطرہ نہ ہو کہ وہ ان چیزوں میں مبتلا ہوجائے گا جو روزہ دار کے لیے ممنوع ہیں۔ قول اول والوں کے خلاف جناب رسول اللہ (صلی اللہ علیہ وآلہ وسلم) سے ایسی روایات نقل کی ہیں جو حضرت میمونہ بنت سعد کی روایات سے زیادہ ظاہر اور استدلال کے لیے زیادہ بہتر ہیں۔
حاصل روایات : ان تمام روایات و آثار سے معلوم ہوتا ہے کہ روزہ دار کو بوسہ ممنوع ہے اور ایسا کرنے کی صورت میں اس کا روزہ ٹوٹ جائے گا۔
فریق ثانی کا مؤقف اور دلائل اور سابقہ دلائل کے جوابات :
روزہ دار کو بوسہ میں حرج نہیں جبکہ اس سے روزہ دار کے کسی ممنوعہ چیز میں ابتلاء کا خطرہ نہ ہو۔
الجواب نمبر 1: میمونہ بنت سعد (رض) کی روایت سے زیادہ واضح اور پختہ روایات بوسہ کی اباحت کو ثابت کرتی ہیں پس ان کو اختیار کرنا اس سے زیادہ اولیٰ ہے۔ روایت ملاحظہ ہو۔