٣٣٣٤: نافع نے ابن عمر (رض) سے اسی طرح روایت نقل کی ہے۔
روزے کی حالت میں پچھنے لگوانے سے روزہ میں فساد و کراہت ہے یا دونوں میں سے کچھ بھی نہیں۔ چنانچہ امام احمد بن حنبل اور اوزاعی رحمہم اللہ کے ہاں پچھنے لگوانے سے دونوں کا روزہ فاسد ہوجاتا ہے۔
ائمہ احناف اور دیگر تمام ائمہ کے ہاں پچھنے لگوانے بلاکراہت درست ہیں کسی کا روزہ بھی فاسد نہیں ہوتا۔
فریق اوّل کا مؤقف اور دلائل : پچھنے لگانے اور لگوانے والا اگر دونوں روزہ دار ہوں تو ان کے روزے فاسد ہوجائیں گے قضا لازم ہوگی۔