٣٣٥٠: ابوالاشعث صنعانی کہتے ہیں بلاشبہ جناب رسول اللہ (صلی اللہ علیہ وآلہ وسلم) نے افطرالحاجم والمحجوم فرمایا کیونکہ وہ دونوں غیبت میں مصروف تھے۔ روایت کا یہ معنیٰ درست ہے اور ان دونوں کا افطار اس طرح کا نہیں جیسا کھانے ‘ پینے اور جماع کی وجہ سے ہوتا ہے۔ بلکہ غیبت کے سبب ان کا ثواب جاتا رہا اس طرح وہ روزہ توڑنے والے قرار پائے۔ یہ ٹوٹنا اس طرح کا نہیں جس سے قضاء لازم ہوتی ہو اور یہ اسی طرح ہے جیسے کہا جائے کہ جھوٹ روزہ دار کا روزہ توڑ دیتا ہے۔ اس سے مراد قضاء لازم آنے والا ٹوٹنا نہیں بلکہ اس سے اجر کا ضائع ہو نامراد ہے جیسا بظاہر کھانے پینے سے روزہ بھی ٹوٹ جاتا ہے اور اجر بھی پھوٹ جاتا ہے۔ یہ مذکورہ تاویل جیسی نظر ہے۔ صحابہ کرام (رض) کی ایک جماعت نے اس سلسلہ میں ایک اور معنی بھی نقل کیا ہے۔ ذیل کی روایات میں ملاحظہ ہو۔
یہ مفہوم درست ہے جیسا کہتے ہیں الکذب یفطرالصائم اس سے وہ افطار مراد نہیں ہوتا جس سے قضا لازم ہوتی ہے بلکہ ضیاع اجر والا افطار مراد ہے جیسا کہ کھانے پینے سے روزہ بظاہراً بھی ٹوٹ جاتا ہے اور اجر بھی حبط ہوجاتا ہے۔