٣٤٢٧: علی بن معبد نے عبیداللہ بن عمرو سے انھوں نے عبدالملک سے پس انھوں نے اسی طرح اپنی اسناد سے روایت نقل کی ہے۔ جناب رسول اللہ (صلی اللہ علیہ وآلہ وسلم) نے اس کے لیے دو کا وقت مقرر فرمایا اس سے یہ دلیل مل گئی کہ اس سے کم وقت کا سفر اور حکم رکھتا ہے۔ دیگر علماء نے ان سے اختلاف کرتے ہوئے کہا کہ ہر وہ سفر جو تین ایام یا اس سے زیادہ کا سفر محرم کے بغیر نہیں کرسکتی اور اس سے کم مدت کا سفر وہ بلا محرم کرسکتی ہے اور انھوں نے اس روایت کو اپنا مستدل بنایا ہے۔
حاصل روایات : ان روایات میں د و راتوں کی تعیین اس بات کی دلیل ہے کہ اس سے کم سفر ہو تو ذی رحم محرم کی حاجت نہیں اور اگر اتنا یا اس سے زیادہ ہو تو یہ جائز نہیں
فریق خامس کا مؤقف :
امام ابوحنیفہ ‘ ابو یوسف ‘ محمد رحمہم اللہ کے ہاں تین دن رات سے کم کی مسافت کے لیے سفر میں محرم کی ضرورت نہیں اس سے زائد کے لیے لازم ہے دلیل یہ روایات ہیں۔