٣٤٣٨: عطاء نے عائشہ (رض) سے نقل کیا کہ وہ بغیر محرم کے سفر کرتی تھیں راوی کہتا ہے میں ابوحنیفہ (رح) کے پاس آیا اور ان کو اس کی اطلاع دی تو ابوحنیفہ (رح) نے فرمایا عرزمی کو اس روایت کا مفہوم سمجھ نہ آیا حضرت عائشہ (رض) تو سب کی ماں تھیں اور تمام لوگ ان کے محرم تھے تو ان میں سے جس کے ساتھ انھوں نے سفر کیا تو محرم کے ساتھ کیا دوسری عورتوں کا حکم ان جیسا نہیں۔ پس ان کے فعل سے استدلال باطل ہے۔ اس باب میں ہم نے جو کچھ ثابت کیا کہ عورت تین دن کا سفر بلا محرم نہیں کرسکتی اور اس سے کم سفر بلا محرم بھی درست ہے۔ اسی طرح عورت پر حج کی فرضیت کی شرط محرم کا وجود ہے اور یہ استطاعت سبیل میں شامل ہے جس کی وجہ سے اس پر حج فرض ہوتا ہے۔ امام ابوحنیفہ ‘ ابو یوسف ‘ محمد رحمہم اللہ کا یہی قول ہے۔
حاصل روایات : اس باب میں تین دن یا اس سے زیادہ بلامحرم سفر کی ممانعت اور اس سے کم سفر کا بلامحرم جواز اور اگر حج کا سفر زیادہ ہو تو اس عورت پر حج لازم نہیں یہ سب ہمارے ائمہ ابوحنیفہ ‘ ابو یوسف ‘ محمد رحمہم اللہ کا قول ہے۔ ٧ شوال ١٤٢٨ ھ۔