٣٥٦٤: قاسم نے حضرت عائشہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے حج افراد فرمایا ہے۔
تخریج : مسلم فی الحج باب ١٢٢‘ ابو داؤد فی المناسک باب ٢٣۔
زمانہ اسلام سے پہلے حج کے مہینوں میں عمرہ کو افجرالفجور کہا جاتا تھا اسلام نے اس کو باطل کردیا ۔ ! امام مالک کے ہاں تو اب بھی حج کے مہینوں میں عمرہ مکروہ ہے " مگر شافعی و احمد رحمہم اللہ نے سال کی ہر گھڑی میں بلاکراہت جواز ثابت کیا ہے۔ #امام ابوحنیفہ صرف یوم عرفہ ‘ یوم نحر اور ایام تشریق میں عمرے کو ارکان حج میں امکان خلل کی وجہ سے مکروہ قرار دیتے ہیں حج کی اول قسم کو افراد کہا جاتا ہے مکہ سے باہر والے لوگ کسی بھی میقات سے فقط حج کا احرام باندھیں اور طواف قدوم کے بعد احرام میں رہیں یوم نحر میں رمی جمرہ عقبہ کے بعد احرام کھولیں۔ اس پر قربانی لازم نہیں ایک طواف اور ایک سعی لازم ہے۔
نمبر 2: دوسری قسم حج تمتع ہے میقات سے عمرہ کا احرام باندھ لیں افعال عمرہ کے بعد حلال ہوجائیں پھر ایام حج میں گھر یا بیت اللہ شریف سے حج کا احرام باندھیں یوم نحر کو جمرہ عقبہ کی رمی کے بعد دم تمتع ادا کر کے حلال ہوں۔
نمبر 3: تیسری قسم قران ہے حج وعمرہ کا اکٹھا احرام میقات سے باندھیں افعال عمرہ کر کے احرام نہ کھولیں اسی احرام سے حج ادا کریں پھر یوم نحر میں رمی کے بعد دم شکر سے فارغ ہو کر احرام کھولیں اس پر دو طواف اور دو سعی لازم ہوتی ہیں ان میں سب سے افضل یہ تیسری قسم ہے اسی بات کو ثابت کرنے کے لیے یہ باب قائم کیا گیا ہے اس مسئلہ سے متعلق علماء کے تین مذاہب معروف ہیں۔
نمبر 1: امام مالک ابراہیم نخعی ‘ مجاہد رحمہم اللہ حج افراد کو سب سے افضل قرار دیتے ہیں۔
نمبر 2: امام احمد ‘ شافعی اور حسن بصری رحمہم اللہ کے ہاں تمتع سب سے افضل ہے۔ #ائمہ احناف اور سفیان ثوری قران کو افضل قرار دیتے ہیں۔ تفصیلی روایات ملاحظہ ہوں۔
فریق اوّل کا مؤقف اور دلائل :
حج افراد سب سے افضل ہے جیسا کہ ان روایات سے ثابت ہو رہا ہے ذہب قوم سے یہی لوگ مراد ہیں۔