٣٥٧٣: محمد بن عبداللہ بن حارث نے بیان کیا کہ میں نے سعد بن ابی وقاص (رض) اور ضحاک بن قیس (رض) سے اسی وقت سنا جبکہ معاویہ بن ابی سفیان نے حج کروایا وہ دونوں حج تمتع کا ذکر کر رہے تھے۔ تو ضحاک کہنے لگے حج وعمرہ تو وہی جمع کرتا ہے جو اللہ تعالیٰ کے حکم سے ناواقف ہو۔ اس پر سعد کہنے لگے۔ اے بھتیجے تم نے بہت غلط بات کی۔ تو ضحاک نے سن کر کہا عمر (رض) نے اس سے منع فرمایا ہے تو اس کے جواب میں سعد کہنے لگے جناب رسول اللہ (صلی اللہ علیہ وآلہ وسلم) نے خود تمتع کیا تو ہم نے آپ کے ساتھ تمتع کیا ہے۔
تخریج : ترمذی فی الحج باب ١٢‘ نسائی فی المناسک باب ٥٠۔