٣٦١٠: ابن شہاب کہتے ہیں کہ میں نے سالم سے کہا عمر (رض) نے تمتع سے کیوں منع کیا جبکہ اس کو جناب رسول اللہ (صلی اللہ علیہ وآلہ وسلم) نے خود کیا اور دوسرے لوگوں نے ان کے ساتھ کیا ؟ تو سالم کہنے لگے مجھے عبداللہ نے بتلایا کہ عمر (رض) نے فرمایا کامل ترین عمرہ یہ ہے کہ تم اسے حج کے مہینوں سے الگ کر کے ادا کرو۔ اور حج کے مہینے تو معلوم و معروف ہیں ان میں صرف حج کرو اور ان کے علاوہ دیگر مہینوں میں عمرہ کیا کرو۔ پس حضرت عمر (رض) کی مراد اس سے تکمیل عمرہ کی تھی جیسا کہ اللہ تعالیٰ نے فرمایا : { واتموا الحج والعمرۃ للہ۔۔۔} کہ حج وعمرہ کو اللہ تعالیٰ کے لیے مکمل کرو اور اس کی وجہ یہ ہے کہ وہ عمرہ جس کے ساتھ آدمی اپنے حج کو ملا کرتا ہے وہ اس وقت تک مکمل نہیں ہوتا جب تک ھدی کو روانہ نہ کیا جائے یا پھر ہدی کی بجائے وہ روزہ رکھے اور حج کے علاوہ مہینوں میں عمرہ بغیر ہدی اور روزے کے مکمل ہوجاتا ہے۔ پس حضرت عمر (رض) کا مقصد یہ تھا ۔ کہ بیت اللہ کی زیارت ہر سال میں دو مرتبہ کی جائے۔ اسی وجہ سے آپ نے حج کے ساتھ عمرہ کے ملا کرنے کو ناپسند کیا تاکہ لوگ اس کو لازم سمجھ کر بیت اللہ میں صرف ایک مرتبہ ہی نہ آئیں بلکہ سال بار بار آئیں ۔ تو حضرت ابن عمر (رض) نے اس روایت میں حضرت عمر (رض) کی طرف سے وضاحت کی کہ انھوں نے حج وعمرہ الگ الگ سے کرنے کا حکم دیا تاکہ لوگ اس کو لازم قرار نہ دے لیں اور پھر وہ سا ل میں صرف ایک بار بیت اللہ شریف میں حاضری دیں تمتع کو اس بناء پر ناپسند نہیں کیا کہ وہ سنت نہیں رہا آپ کا یہ قول ” انہ اتم لعمرۃ احد کم و حجتہ ‘ ‘ کا مطلب یہ ہے کہ ہر ایک کو الگ کیا جائے ۔ پس جو کچھ ہم نے ابن عباس (رض) سے روایت کیا ہے وہ اس کے خلاف معلوم ہوتا ہے اور حضرت ابن عمر (رض) سے بھی ان کی رائے اس کے خلاف ہم نقل کرچکے ‘ ملاحظہ کریں۔
حاصل روایات : یہ ہے کہ عمر (رض) نے تمام عمرہ کے لفظ سے : وَأَتِمُّوا الْحَجَّ وَالْعُمْرَۃَ لِلّٰہِ کی طرف اشارہ کیا ہے۔ کیونکہ جو عمرہ متمتع کرے گا تو وہ اس وقت پورا ہوگا جبکہ اس کے ساتھ ہدی روانہ کرے گا یا نہ ہونے کی صورت میں روزہ رکھے گا حج کے علاوہ مہینوں میں عمرہ کرنے والے کو ہدی یا صیام میں سے کسی کی حاجت نہیں۔ پس عمر (رض) کا مقصد یہ تھا کہ بیت اللہ شریف کی زیارت کے لیے حج کے علاوہ بھی دو مرتبہ آئیں یہ نہیں کہ حج کے ساتھ ملا کر عمرہ کرلیا اور بس۔ اس سے بیت اللہ کی زیارت کرنے والوں کی سال کے بقیہ ایام میں کمی ہو۔ اس روایت سے ابن عمر (رض) نے یہ اطلاع دی کہ عمر (رض) کے افراد حج کا حکم دینے سے مقصد کراہت تمتع نہیں بلکہ بیت اللہ کی حاضری کی بار بار عمرہ کے ذریعہ دوران سال ترغیب تھی۔
روایت کا جملہ : ” انہ اتم لحج احدکم واتم لعمرتہ “ پر اشکال۔
اس روایت میں عمر (رض) سے ابن عمر (رض) نے اس حج و عمرے کو جو الگ کیا جائے اور اشہر حج کے علاوہ میں کیا جائے زیادہ کامل قرار دے رہے ہیں حالانکہ ابن عمر (رض) اور ابن عباس (رض) نے عمر (رض) سے اس کے خلاف روایت نقل کی ہے۔ ابن عباس (رض) کی روایت گزشتہ سطور میں گزری ‘ روایت ابن عمر (رض) ذیل میں درج کر رہے ہیں۔