٣٦٣٧: ابو اسماء نے انس (رض) سے روایت نقل کی ہے کہ ہم (مدینہ سے) نکلے اور ہم صرف حج کا تلبیہ کہہ رہے تھے جب ہم مکہ پہنچے تو جناب رسول اللہ (صلی اللہ علیہ وآلہ وسلم) نے اس کو عمرہ بنانے کا حکم دیا اور فرمایا۔ اگر مجھے اس بات کا پہلے علم ہوتا جو اب مجھے معلوم ہوئی (کہ تم سب پریشان ہو گے) تو میں بھی اس کو عمرہ بنا لیتا لیکن میں نے ہدی روانہ کی ہے اور حج وعمرہ کو جمع کرلیا ہے۔ امام طحاوی (رح) فرماتے ہیں کہ اس روایت میں جناب رسول اللہ (صلی اللہ علیہ وآلہ وسلم) کا یہ ارشاد ہے کہ آپ نے حج وعمرہ ملا کر کیا اس سے اس بات کی صحت کی دلالت مل گئی جنہوں نے اس کے موافق قول کیا ہے۔
حاصل روایات : ان روایات اور خصوصاً اس آخری روایت سے ثابت ہوتا ہے کہ آپ (صلی اللہ علیہ وآلہ وسلم) نے حج وعمرہ ملا لیا تھا اس سے ان لوگوں کے قول کی تصدیق ہوتی ہے جو آپ کے حج کو حج قران مانتے ہیں۔