٣٦٧٣: ابو صالح نے ابوہریرہ (رض) سے انھوں نے جناب نبی اکرم (صلی اللہ علیہ وآلہ وسلم) سے روایت نقل کی ہے۔ جو کہ حدیث مالک و لیث کی طرح ہے۔ یعنی جناب رسول اللہ (صلی اللہ علیہ وآلہ وسلم) نے فرمایا۔ پانچ جانوروں کو حرم میں بھی قتل کر دو ۔
بچھو ‘ چیل ‘ کو ّا ‘ چوہا ‘ کاٹنے والا کتا۔ البتہ انھوں نے اپنی روایت میں ساپ ‘ بھیڑیا اور کاٹنے والا کتا کہا ہے۔
تخریج : بخاری فی الصید باب ٧‘ مسلم فی الحج ٦٧؍٧٣‘ ٧٦؍٧٩‘ ابو داؤد فی المناسک باب ٣٩‘ نسائی فی الحج باب ٨٢؍٨٣‘ ١١٣؍١١٤‘ ١١٦؍١١٩‘ مالک فی الحج ٨٨؍٨٩‘ ٩٠‘ مسند احمد ٢‘ ٨؍٣٢‘ ٦٥؍٧٧۔
محرم کے لیے حالت احرام میں اور حلال کے لیے حدود حرم میں ان جانوروں کے قتل کا ثبوت احادیث سے ملتا ہے۔ ١: سانپ ٢: چوہا ٣: بچھو ٤: گرگٹ ٥: چیل ٦: گندگی کھانے والا کوا ٧: کاٹنے والا کتا۔ (کذا فی مسلم ج ١‘ نسائی جلد نمبر ٢) کلب عقور سے کیا مراد ہے۔
نمبر 2: امام مالک و شافعی (رح) کے ہ ‘ اس سے ہر کاٹنے والا درندہ مراد ہے۔
نمبر 3: امام ابوحنیفہ ‘ ابو یوسف ‘ و محمد رحمہم اللہ کے ہاں اس سے کاٹنے والا کتا مراد ہے مگر ذئب و بھیڑیا بھی اس کی طرح ہے۔
فریق اوّل کا مؤقف اور دلیل :
کلب عقور سے مراد کوئی خاص حیوان نہیں بلکہ ہر قسم کے ایذا دینے اور کاٹنے والے جانور شیر وغیرہ بھی اس میں شامل ہیں مندرجہ ذیل روایات اس کی دلیل ہیں۔