٣٧٠: محمد بن المنکدر حضرت جابر (رض) سے نقل کرتے ہیں کہ ایک انصاری عورت نے ہماری دعوت کی اس نے ہمارے لیے ایک بکری ذبح کی اور اس انصاریہ نے ہمارے لیے کھجور کا گچھا بھی لا کر رکھا جناب رسول اللہ (صلی اللہ علیہ وآلہ وسلم) نے وضو کے لیے پانی منگوایا (جو لایا گیا پھر آپ نے اس سے وضو فرمایا) پھر ہم نے (کھانا تیار ہونے پر) کھانا کھایا پھر کھانے کے بعد آپ (صلی اللہ علیہ وآلہ وسلم) نے نماز (ظہر) ادا فرمائی اور وضو نہ فرمایا۔
تخریج : ابو داؤد فی الطھارۃ روایت ١٨٩‘ ترمذی فی الطھارۃ باب ٥٩ نمبر ٨٠‘ ابن ماجہ فی الطھارۃ روایت ١٨٩‘ سنن کبرٰی للبیہقی ١؍١٥٦‘ مصنف ابن ابی شیبہ ١؍١٧
اللغات : رش۔ چھڑکنا۔ بہانا۔ صور : کھجور کا گچھا۔