٣٧٥١: مجاہد نے ابن عمر (رض) سے نقل کیا کہ جناب نبی اکرم (صلی اللہ علیہ وآلہ وسلم) عمرہ میں رمل کیا اور حج میں عام معمول کے مطابق چلے۔
تخریج : ابو داؤد فی المناسک باب ٥١‘ کی طرح روایت ہے۔
حاصل روایات : آپ (صلی اللہ علیہ وآلہ وسلم) نے حجۃ الوداع میں رمل نہیں کیا کیونکہ یہ مشرکین کی وجہ سے کیا اور اب مکہ دارا الاسلام بن چکا تھا اور مشرک مسلمان بن چکے تھے۔ پس اس کا مسنون ہونا ثابت نہ ہوا۔
فریق ثانی کا مؤقف اور دلیل :
پہلے تین چکروں میں رمل سنت ہے حج میں اس کو چھوڑنا جائز نہیں اور نہ ہی عمرہ میں اس کو چھوڑنا درست ہے دلائل یہ ہیں اور یہ سابقہ روایات ابن عباس (رض) اور ابن عمر (رض) کا جواب بھی ہیں۔