٣٧٩: بنی حارثہ کے مولیٰ بشیر بن یسار کہتے ہیں کہ سوید بن النعمان (رض) نے مجھے بیان کیا کہ خیبر والے سال میں جناب رسول اللہ (صلی اللہ علیہ وآلہ وسلم) کی معیت میں نکلا جب آپ مقام صہباء میں پہنچے یہ خیبر کے قریب جگہ ہے) آپ (صلی اللہ علیہ وآلہ وسلم) وہاں اترے اور نماز عصر ادا فرمائی پھر آپ نے زاد راہ منگوائے تو آپ کے پاس ستو لائے گئے آپ نے ان کو بنانے کا حکم دیا وہ تیار کئے گئے پس آپ نے کھائے اور ہم نے بھی کھائے پھر آپ نماز مغرب کے لیے اٹھے تو آپ نے مضمضمہ کیا اور نماز پڑھائی اور وضو نہ کیا۔
تخریج : بخاری فی الوض باب ٤‘ ٥١‘ والجہاد باب ١٢٣‘ والاطعمہ باب ٧‘ المغازی باب ٣٨‘ ابن ماجہ فی الطھارۃ باب ٦٦‘ ٤٩٢‘ مالک فی الطھارۃ ٢٠‘ مسند احمد ٣؍٤٨٨‘ مصنف عبدالرزاق ٦٩١‘ مصنف ابن ابی شیبہ کتاب الطھارۃ ١؍٤٨۔