٣٨٤٢: عروہ نے عائشہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے حکم فرمایا کہ جو چاہے حج کا احرام باندھے اور جو چاہے عمرے کا احرام باندھے۔ عائشہ (رض) فرماتی ہیں کہ میں ان میں سے تھی جنہوں نے عمرے کا احرام باندھا۔ مگر مجھے حیض شروع ہوا اور جناب نبی اکرم (صلی اللہ علیہ وآلہ وسلم) میرے ہاں تشریف لائے اور مجھے حکم فرمایا کہ اپنا سر کھول لوں اور کنگھی کروں اور اپنے عمرے کو چھوڑ دوں۔
تخریج : مسلم فی الحج ١١٥۔