٣٨٤٨: ابوالزبیر (رض) نے جابر بن عبداللہ (رض) سے روایت کی ہے کہ جناب نبی اکرم (صلی اللہ علیہ وآلہ وسلم) نے حج وعمرہ میں قران کیا اور ان کے لیے ایک طواف کیا۔ ان کے جواب میں کہا جائے گا ۔ نہایت عجیب بات ہے کہ تم اس جیسی روایت سے استدلال کرتے ہو ۔ حالانکہ تم جعفر کی سند سے حضرت جابر (رض) کی یہ روایت ذکر کرچکے کہ جناب رسول اللہ (صلی اللہ علیہ وآلہ وسلم) نے حج افراد کیا اور ابن جریج اور اوزاعی اور عمر وبن دینار اور قیس بن سعد کی جابر (رض) سے یہ روایت ذکر کرچکے کہ وہ چوتھی صبح کو حج کا احرام باندھے ہوئے آئے تو جناب رسول اللہ نے اسے عمرہ بنانے کا حکم دیا اس وقت آپ صفا پر طواف کے آخری چکر میں تھے ‘ ‘ تم اس جیسی روایت کس طرح قبول کرتے ہو اور اس جیسا دعویٰ کر رہے ہو۔ فریق اوّل سے اس روایت کو بھی فریق ثانی کے خلاف دلیل میں پیش کیا۔
تخریج : ترمذی فی الحج باب ١٠٢۔
نوٹ :: عجیب بات ہے کہ تم اس قسم کی روایت سے استدلال کرتے ہو حالانکہ تم جعفر بن محمد عن جابر (رض) روایت کرچکے ہو کہ جناب رسول اللہ (صلی اللہ علیہ وآلہ وسلم) نے حج میں افراد کیا۔
نمبر 2: ابن جریج و اوزاعی ‘ عمرو بن دینار کی روایت سے جواب ابن جریج ‘ اوزاعی ‘ عمرو بن دینار ‘ قیس بن سعد ان سب نے عطاء عن جابر (رض) روایت کی ہے کہ ہم چار ذی الحجہ کو حج کا تلبیہ کہتے ہوئے مکہ پہنچے ہمیں جناب رسول اللہ (صلی اللہ علیہ وآلہ وسلم) نے حج کو عمرہ بنا لینے کا حکم فرمایا اور یہ اس وقت فرمایا جب آپ صفا پر اپنا آخری چکر مکمل فرما رہے تھے۔ آپ ابوالزبیر کی روایت ان اساطین علم کے مقابلے میں قبول کر رہے ہیں۔ دلیل میں تعارض کی وجہ سے استدلال درست نہیں۔
ایک اور اشکال : یہ روایت فریق ثانی کے خلاف ہے :