٣٩٣: قتادہ کہتے ہیں مجھے سلیمان بن ہشام نے کہا کہ یہ معنی زہری کوئی چیز کھلائے بغیر نہیں چھوڑتا اور ہمیں پھر اس سے وضو کرنا پڑتا ہے میں نے کہا میں نے تو سعید بن مسیب سے اس کے متعلق سوال کیا تو وہ کہنے لگے جب تم نے پاکیزہ چیز کھائی تو تم پر وضو نہیں اور جب وہ چیز نکلے جو گندی ہو تو اس کی وجہ سے تم پر وضو لازم ہے وہ کہنے لگے تم دونوں کے مسئلہ میں اختلاف ہوگیا ہے کیا اس شہر میں کوئی ایسا آدمی ہے جس سے استفسار کیا جائے ؟ میں نے کہا ہاں ! جزیرہ عرب کا سب سے بڑا عالم۔ اس نے کہا وہ کون ؟ میں نے کہا وہ عطاء ہیں۔ چنانچہ ان کی طرف پیغام بھیج کر ان کو منگوایا گیا تو اس نے کہا ان دو آدمیوں نے میرے مسئلہ کے سلسلہ میں اختلاف کیا ہے تم کیا فتویٰ دیتے ہو ؟ عطاء کہنے لگے ہمیں جابر بن عبداللہ نے بیان کیا پھر انھوں نے ابوبکر صدیق (رض) سے اسی طرح کی روایت ذکر کی۔
تخریج : مسند احمد ١؍٣٦٤