٣٩٥١: سالم بن عبداللہ نے عائشہ (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت نقل کی ہے۔ یہ حضرت عائشہ صدیقہ (رض) ہیں جو کہ جناب رسول اللہ (صلی اللہ علیہ وآلہ وسلم) کے متعلق اطلاع دے رہی ہیں کہ آپ نے کنکریاں مارنے اور حلق کے بعد طواف زیارت سے قبل خوشبو لگائی ‘ جیسا مذکور ہے۔ یہ روایت ابن لہیعہ کی روایت کے خلاف جس کو ابتداء میں ذکر کیا گیا۔ مگر یہ روایت اولیٰ ہے کیونکہ تو اتر صحت میں دوسری روایت اس کی مماثل نہیں۔ پھر حضرت ابن عباس (رض) کی روایت سے جناب نبی اکرم (صلی اللہ علیہ وآلہ وسلم) سے اسی طرح کی روایت وارد ہے۔ مگر انھوں نے ایک اور مفہوم کا اضافہ کیا ہے۔ روایت ملاحظہ کریں۔
حاصل روایت : یہ عائشہ (رض) ہیں جو خود رمی و حلق کے بعد طواف زیارت سے پہلے جناب رسول اللہ (صلی اللہ علیہ وآلہ وسلم) کو خوشبو لگا رہی ہیں۔
سابقہ مؤقف کا جواب : فصل اول کی روایت جس کو ابن لہیعہ کی سند سے مؤقف اول میں پیش کیا گیا یہ روایت اس سے سند کے اعتبار سے قوی تر ہے یہ جس تواتر سند سے ثابت ہے وہ نہیں پس اس کو ترجیح ہوگی۔