٣٩٥٧: نافع نے ابن عمر (رض) سے روایت کی ہے کہ وہ اپنے ناخن کاٹتے اور مونچھوں کو کاٹتے اور داڑھی کے (زائد) بال طواف زیارت سے پہلے کاٹتے۔ یہ حضرت عمر (رض) ہیں جو ان کے لیے رمی جمرہ عقبہ اور حلق کے بعد عورتوں اور خوشبو کے علاوہ ہر چیز کو حلال قرار دے رہے ہیں۔ حضرت عائشہ صدیقہ ‘ ابن زبیر اور ابن عباس (رض) خوشبو کے سلسلہ میں ان سے اختلاف کیا ہے۔ حضرت عائشہ صدیقہ اور ابن عباس (رض) کی روایات گزر چکیں۔ ابن زبیر (رض) کی روایت ذیل میں ہے۔
حضرت عمر (رض) نے رمی و حلق کے بعد ان کے لیے تمام چیزوں کے حلال ہونے کا اعلان کرنے کے لیے صرف عورتوں اور خوشبو کو مستثنیٰ کیا ہے اس سے ثابت ہوا کہ خوشبو بھی طواف زیارت سے پہلے درست نہیں۔
مؤقف فریق ثانی کا جواب : حضرت عائشہ (رض) ‘ ابن عباس (رض) اور ابن الزبیر (رض) نے اس کی مخالفت کی ہے جیسا کہ پہلے روایات فصل ثانی میں گزر چکی ہیں اس روایت کو فعل و قول عمر (رض) پر ترجیح ہوگی جناب رسول اللہ (صلی اللہ علیہ وآلہ وسلم) نے صرف جماع کو مستثنیٰ فرمایا۔ پس مرفوع روایت بالمقابل اس قول کو چھوڑا جائے گا۔