٣٩٦٢: حارث بن اوس ثقفی کہتے ہیں کہ میں نے عمر بن خطاب (رض) سے اس عورت کے متعلق سوال کیا جس کو طواف سے پہلے حیض آجائے تو انھوں نے فرمایا اس کو طواف وداع کرنا ہوگا اور کہنے لگے مجھے جناب رسول اللہ (صلی اللہ علیہ وآلہ وسلم) نے سوال کرنے پر اسی طرح جواب مرحمت فرمایا پھر مجھے عمر (رض) فرمانے لگے۔ میں دیکھتا ہوں کہ تو مجھ سے بار بار وہ چیز پوچھتا ہے جس کو میں نے جناب رسول اللہ (صلی اللہ علیہ وآلہ وسلم) سے دریافت کیا ہے تاکہ کہیں میں اس کی مخالفت کروں (مگر یہ ممکن نہیں) ۔
عارضہ حیض کی وجہ سے طواف صدر کا ترک جائز نہیں دم لازم ہوگا اس کو سالم بن عبداللہ نے اختیار کیا ہے۔
نمبر 1: ائمہ اربعہ اور جمہور فقہاء و محدثین نے عارضہ حیض کی وجہ سے طواف وداع کو بلادم ساقط قرار دیا۔