٣٩٦٤: ولید نے ابو عوانہ سے پھر اپنی اسناد سے ابن مرزوق کی طرح اپنی سند و متن سے روایت نقل کی صرف فرق یہ ہے کہ ” سالت عمر (رض) عن المرأۃ تطوف بالبیت ثم تحیض “ کے الفاظ ہیں۔ امام طحاوی (رح) فرماتے ہیں بعض علماء اس روایت کو اختیار کرنے والے ہیں وہ فرماتے ہیں۔ اس وقت تک کسی کو واپس گھر لوٹنے کی اجازت نہیں جب تک طواف صدر نہ کرلے اور انھوں نے حائضہ کو حیض کی وجہ سے معذور قرار نہیں دیا۔ علماء کی دوسری جماعت نے ان سے اختلاف کرتے ہوئے کہا ۔ عورت حائضہ کو کوچ کی اجازت ہے۔ اگرچہ طواف صدر نہ کیا ہو اور اس عورت کو عذر حیض ہے۔ یہ اس صورت میں ہے جب کہ وہ طواف زیارت سے فارغ ہوچکی ہو۔ ان کی دلیل ذیل کی روایات ہیں۔
حاصل روایات : اگر کوئی عورت حائضہ ہونے کی وجہ سے طواف صدر چھوڑ دے تو اس پر دم لازم ہوگا۔