دَم پانچ قسم کے ہوتے ہیں : ! کسی زمانہ اور مکان سے خاص نہیں مثلاً " دم نذر ‘ وہ دم جو زمانہ کے ساتھ خاص ہو مثلاً قربانی کا دم ‘ #وہ دم جو مکان و زمان دونوں سے خاص ہے مثلاً دم تمتع و قران ‘ $وہ دم جو مکان سے خاص ہو دم جنایات ‘ %بعض کے ہاں مکان سے خاص بعض کے ہاں نہیں۔ دم احصار کے متعلق ائمہ ثلاثہ رحمہم اللہ کے ہاں جہاں احصار ہو وہیں ذبح کرسکتے ہیں۔
نمبر 2: امام ابوحنیفہ ‘ حسن بصری ‘ عطاء رحمہم اللہ کے ہاں حدود حرم میں لے جا کر ذبح کرنا ضروری ہے۔
فریق اوّل کا مؤقف : دم احصار کو حدود حرم میں داخل کر کے ذبح کی ضرورت نہیں جہاں احصار ہو وہیں ذبح کرسکتے ہیں دلیل یہ روایات ہیں۔
٤٠٠١: سباع بن ثابت نے ام کرز سے روایت کی ہے کہ جناب رسول اللہ (صلی اللہ علیہ وآلہ وسلم) کی خدمت میں حدیبیہ میں حاضر ہوا۔ آپ (صلی اللہ علیہ وآلہ وسلم) سے پوچھا ہدایا کے گوشت کا حکم کیا ہے۔ امام طحاوی (رح) فرماتے ہیں کہ علماء کی ایک جماعت کا کہنا ہے کہ ہدی روک لیے جانے کے بعد حرم سے باہر ذبح کریں گے۔ انھوں نے مذکورۃ الصدر روایت کو مستدل بنایا ہے۔ وہ کہتے ہیں کہ جناب رسول اللہ (صلی اللہ علیہ وآلہ وسلم) نے جب ہدایا کو حدیبیہ میں نحر کیا تو یہ اس بات کی دلالت ہے کہ جس کو روکا جائے وہ ہدی کو غیر حرم میں ہی ذبح کردے ۔ مگر دیگر جماعت علماء نے ان کی بات سے اختلاف کرتے ہوئے کہا ہے۔ کہ ہدایا کو حرم کی حدود میں ہی ذبح کیا جاسکتا ہے۔ ان کی دلیل یہ ہے۔ کہ اللہ تعالیٰ نے فرمایا : ھدیا بالغ الکعبہ کہ وہ ہدی کعبہ تک پہنچنے والی ہو ۔ تو اللہ تعالیٰ نے اس کو ھدی فرمایا جو کعبہ تک پہنچتی ہو وہ ان دونوں کی طرح ہے جن کو اللہ تعالیٰ نے کفارہ قتل و ظہار میں تسلسل کے ساتھ رکھنے کا حکم فرمایا ہے اگر ان کو بلا تسلسل رکھا جائے تو جائز نہ ہوں گے ۔ اگر وہ شخص اس کی طاقت نہ رکھتا ہو تو اس کے لیے ضرورت کے طور پر متفرق رکھنا درست نہیں۔ اسی طرح وہ ہدی جو بیت اللہ تک پہنچنے کے ساتھ متصف ہے اگر اس کو روک دیا جائے تو جس شخص پر وہ ہدی لازم ہوئی وہ ضرورت کے طور پر بھی اسے دوسری جگہ ذبح نہیں کرسکتا۔ پس وہ ہدی جو روک لی گئی تو جناب رسول اللہ (صلی اللہ علیہ وآلہ وسلم) نے اسے حدیبیہ میں ذبح کر قدید کے مقام پر اس کا گوشت صدقہ کیا اس کے متعلق قول اول کے قائلین کے خلاف دلیل یہ ہے کہ ایک جماعت کے خیال میں آپ نے اسے حدو دحرم میں ذبح کیا تھا ۔ روایت ذیل میں ملاحظہ ہو۔
تخریج : نسائی فی العقبہ باب ٤۔
حاصل روایت : اس روایت سے معلوم ہوتا ہے کہ آپ (صلی اللہ علیہ وآلہ وسلم) نے اپنے ہدایا کو حدیبیہ میں ذبح کردیا تھا جبکہ آپ کو مشرکین نے حرم میں داخلہ سے روک دیا تھا اس سے ثابت ہوا کہ ہدی کو احصار کے بعد وہیں ذبح کردینا کافی ہے حرم کی حدود میں داخل کرنا ضروری نہیں۔
فریق ثانی کا مؤقف اور دلیل و جوابات :
دم احصار کا حرم میں داخل کر کے ذبح کرنا ضروری ہے اس کی دلیل یہ ہے۔ کہ اللہ تعالیٰ نے ارشاد فرمایا : ” ہدیًا بالغ الکعبۃ “ (المائدہ : ٩٥) اللہ تعالیٰ نے ہدی کو مسلسل روزوں کی طرح قرار دیا ہے جو کہ کفارہ ظہار میں رکھے جائیں اسی طرح کفارہ قتل کے روزے۔ ان میں تتابع شرط ہے۔ بلاتسلسل وہ روزے جائز اور مشروع نہیں خواہ وہ کسی ایسے شخص پر کفارہ لازم ہوا ہو جو پے در پے روزے کی طاقت نہیں رکھتا اس کو عذر اور ضرورت کی وجہ سے متفرق روزے رکھنے جائز نہیں ہیں تو ہدی احصار کا حکم بھی یہی ہے کہ اس میں احصار کی وجہ حدود حرم سے باہر ذبح کرنا جائز نہ ہوگا بلکہ حدود حرم میں داخل کرنا ضروری ہے۔
فریق اوّل کے مؤقف کا جواب : ” کان من الحجۃ علی اہل المقالۃ “ سے بیان کیا یہ کہنا ہرگز درست نہیں کہ جناب رسول اللہ (صلی اللہ علیہ وآلہ وسلم) نے ہدایا کو وہیں ذبح کر کے ان کا گوشت مقام قدید کے لوگوں کو صدقہ کردیا تھا کیونکہ اس کے بالمقابل حضرت ناجیہ بن جندب اسلمی (رض) کی روایت موجود ہے جس سے ان کا حرم کے اندر لے جا کر ذبح کرنا ثابت ہوتا ہے۔ روایت یہ ہے۔