٤٠١٢: ابو مرہ مولیٰ عقیل بن ابی طالب (رض) بیان کرتے ہیں کہ میں اور عبداللہ بن عمرو بن العاص (رض) عمرو بن عاص کے پاس داخل ہوئے یہ یوم نحر کے بعد دوسرا یا تیسرا دن تھا تو عمرو (رض) نے ان کے سامنے کھانا رکھا۔ عبداللہ کہنے لگے میں روزہ دار ہوں تو عمرو کہنے لگے افطار کرو یہ وہ دن ہیں جن کے متعلق روزے کی ممانعت جناب رسول اللہ (صلی اللہ علیہ وآلہ وسلم) نے فرمائی ہے یا افطار کا حکم فرمایا ہے تو عبداللہ نے افطار کرلیا اور انھوں نے کھایا اور میں نے بھی کھایا۔