٤٠٤٠: قزعہ نے ابو سعید (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح کی روایت نقل کی ہے۔ پس جب یوم نحر ان کے ایّام حج سے خارج ہے جن میں متمتع کو ہدی نہ ہونے کی وجہ سے روزہ رکھنے کا حکم ہے۔ کیونکہ جناب رسول اللہ (صلی اللہ علیہ وآلہ وسلم) نے منع کرکے اسے ان ایام سے خارج کردیا جن میں روزہ رکھا جاسکتا ہے۔ اسی طرح ایام تشریق بھی اس سے خارج ہیں جن میں متمتع کو روزہ رکھنے کی اجازت ہے۔ کیونکہ آپ (صلی اللہ علیہ وآلہ وسلم) ان دنوں میں روزے کی ممانعت فرمائی ہے۔ ان دنوں کو روزہ رکھنے والے دنوں سے خارج کردیا ہے۔ ہمارے مذکورہ بیان سے ثابت ہوا کہ ایام میں کسی شخص کو کسی قسم کا رزوہ رکھنے کی اجازت نہیں ہے۔ خواہ وہ متمتع ہو یا قران والا یا محصر یا کفارے کا روزہ یا نفل کا روزہ رکھنے والا ہو۔ ہمارے امام ابوحنیفہ ‘ ابو یوسف ومحمد رحمہم اللہ کا قول اسی طرح ہے حضرت عمر (رض) سے مروی روایت اس پر دلالت کررہا ہے۔ ملاحظہ ہو۔
حاصل روایات : جب یوم نحر ایام حج سے خارج ہے جن میں متمتع کو روزہ رکھنے کی ہدی کے بدلے اجازت دی ہے جب اس دن کو خارج کیا گیا تو ایام تشریق بھی ایام حج والی اس آیت سے خارج ہیں کیونکہ ان دنوں میں آپ (صلی اللہ علیہ وآلہ وسلم) نے روزے کی ممانعت فرمائی ہے اس سے ثابت ہوا کہ کسی کو ایّام تشریق کا روزہ رکھنا جائز نہیں ہے خواہ حج تمتع ہو یا قران یا احصار کی صورت ہو۔ اور نہ ہی کفارات و تطوع کے روزے ان میں درست ہیں۔
یہی امام ابوحنیفہ ‘ ابو یوسف ‘ محمد رحمہم اللہ کا قول ہے۔