٤٠٤٢: عکرمہ نے حجاج بن عمرو انصاری سے روایت نقل کی ہے کہ میں نے جناب رسول اللہ (صلی اللہ علیہ وآلہ وسلم) کو فرماتے سنا ہے جو لنگڑا ہو یا ہڈی ٹوٹ گئی وہ گویا حلال ہوگیا اس کے ذمہ دوسرا حج ہے۔ عکرمہ کہتے ہیں کہ میں نے یہ بات ابن عباس (رض) اور ابوہریرہ (رض) کو بیان کی تو دونوں نے کہا انھوں نے سچ بولا ہے۔
تخریج : ابو داؤد فی المناسک باب ٤٣‘ ترمذی فی الحج باب ٩٤‘ نسائی فی المناسک باب ١٠٢‘ ابن ماجہ فی المناسک باب ٨٥‘ دارمی فی المناسک باب ٥٧‘ مسند احمد ٣؍٤٥۔
احصار : اثناء سفر حج میں رکاوٹ کو احصار کہتے ہیں اس کی مندرجہ ذیل صورتیں ہوں گی۔
نمبر 1: محصر پر قضا لازم ہوگی یا نہیں امام شافعی ومالک رحمہم اللہ کے ہاں اگر حج فرض نہ ہوا ہو تو قضا حج لازم نہیں۔
نمبر 2: امام احمد ‘ مجاہد رحمہم اللہ کہتے ہیں اس پر حج کی قضا لازم ہے حضرت عمر ‘ زید بن ثابت (رض) اور ائمہ احناف ایک حج وعمرہ کو لازم قرار دیتے ہیں۔
نمبر 3: محصر تو بلا دم حلال ہوجائے گا البتہ محصر بالحج کو صرف حج اور محصر بالعمرہ کو عمرہ لازم ہوگا اس کو ابو ثور (رح) نے اختیار کیا۔ تمام ائمہ رحمہم اللہ بغیر دم حلال ہونے کو جائز قرار نہیں دیا۔
نمبر 4: اسباب احصار کیا ہیں ائمہ ثلاثہ نے فقط دشمن کو سبب حصر قرار دیا ہے۔ امام ابوحنیفہ و صاحبین کے ہاں اسباب احصار دشمن ‘ بادشاہ ‘ ہڈی کا ٹوٹنا ‘ ڈسنا ‘ خرچہ ختم ہو۔ یہ تمام اسباب احصار ہیں۔
نمبر 5: محصر بالعمرہ کو احصار کے ختم ہونے تک احرام میں رہنا ضروری ہے حلال ہونا جائز نہیں یہ ابن سیرین کا قول ہے۔ دشمن و مرض کی وجہ سے احصار سے حلال ہونا جائز ہے اس کا حکم محصر بالحج والا ہے یہ ائمہ اربعہ کا قول ہے۔
نمبر 6: محصر حلق کرے گا یا نہیں۔ محصر پر ہدی کے ذبح کے بعد حلق لازم نہیں اس کو امام ابوحنیفہ ‘ محمد رحمہم اللہ نے اختیار کیا۔ محصر کو حلق مسنون ہے یہ ابو یوسف ‘ عطاء کا مختار ہے۔ امام مالک احمد شافعی رحمہم اللہ کے ہاں ہدی کے بعد حلق لازم ہے۔
عنوان نمبر ٢ محصر بلا دم حلال ہوگا یا نہیں :