٤٠٨٦: عطاء نے ابن عباس (رض) سے روایت کی ہے کوئی شخص مکہ میں بلا احرام داخل نہ ہو۔ اگر کوئی شخص یہ بات کہے ‘ کیا وہ شخص جو مواقیت کے اندر والی جانب مکہ کی طرف ہو وہ تمتع کرسکتا ہے۔ تو اس کے جواب میں کہا جائے گا۔ اس کا حکم اس میں مکہ والوں کے خلاف ہے اور یہ بات ائمہ احناف کے قول کے خلاف ہے۔ مگر ہمارے ہاں قیاس اسی بات کا متقاضی ہے۔ جیسا کہ ہم نے ذکر کیا ۔ ہمارے نزدیک ” حاضری المسجد الحرام “ سے صرف خاص مکی لوگ مراد ہیں ‘ یہ قول جو ہم نے اختیار کیا ہے اس کو نافع مولیٰ ابن عمر اور عبد الرحمن بن ہرمز الاعرج نے اختیار کیا ہے۔